ЭМЯ-наас коронавирусийн нөхцөл байдлын талаар ээлжит мэдээлэл өглөө.

Энэ үеэр ХӨСҮТ-ийн Тандалт, судалгааны албаны дарга Ж.Байгалмаа "Бид халдварыг бууруулах талаар судалгаа хийж байна. Тухайлбал, иргэдийн нийт дархлаажуулалтыг 70 хувьд хүргэж, 15 хоног хөл хорио тогтоосны дараа өдөрт бүртгэгдэх коронавирусийн тохиолдол бага зэрэг буурч байна. Гэвч 15 хоногийн дараа коронавирисийн халдвар буцаад өсөх магадлалтай. Хэрэв бид арай урт хугацаанд буюу 28 хоног хөл хорио тогтоож, дархлаажуулалтыг 70 хувьд хүргэж чадвал энэ дэгдэлтийг бууруулж, ирэх долдугаар сард өдөрт бүртгэгдэх тохиолдлын тоо 20 эсвэл 10-аас доош бүртгэгдэнэ гэж тооцоолж байна. Гэхдээ нэг зүйлийг сануулж хэлэхэд өвчлөл өдөр бүр өөр байгаа учир өнөөдөр хийсэн тооцооллыг маргааш нөхцөл байдлаас үүдэн өөрчлөгдөнө" гэлээ.