АНУ-д өнгөрсөн ням гарагт цагдаа 20 настай өнгөт арьсан залууг буудаж амийг нь хөнөөсөн хэрэг гарсан билээ.  Уг хэргийн дараа Миннеаполис хотод гэмгүй иргэнийг буудсан хэрэгт иргэд эсэргүүцлээ илэрхийлэн жагсаж байна.

Тэгвэл хохирогчийг буудсан цагдаа "Цахилгаан бороохой ашиглах гэж байгаад андуурч буруу гал нээсэн" хэмээн мэдэгдсэн байна.

Үүнтэй адил хэрэг өнгөрсөн жилийн тавдугаар сард гарсан бөгөөд нэгэн цагдаа өнгөт арьстан Флойдыг баривчлах үедээ хүзүүн дээр нь дарж амь насыг нь хөнөөсөн юм. Уг явдлын дараа улс даяар "өнгөт арьстнууд ч мөн амьдрах эрхтэй" гэсэн уриан доор эсэргүүцлээ илэрхийлж байв. Тэгвэл энэ хэрэг ахин давтагдлаа хэмээн иргэд хөдөлгөөн өрнүүлж байна.

Даун Райт хэмээх хорин настай  залуугийн амийг санамсаргүй хөнөөсөн хэргээ цагдаа хүлээгээд буй бөгөөд машинд нь буудсаны улмаас тэр дороо амь насаа алджээ.