Карибын тэнгисийн зүүн хэсэгт орших Сент Винсент галт уул дэлбэрсний улмаас тус нутгийн цахилгаан, усан хангамж тасарчээ.  Уг дэлбэрэлтийн дараа ойр орчмын 16 мянга гаруй хүнийг нүүлгэн шилжүүлээд байгаа аж. Шинжээчид уг галт уулын дэлбэрэлт хэдэн өдөр эсвэл хэдэн долоо хоногийн турш үргэлжилж болзошгүйг анхааруулжээ.

Сент Винсентийн галт уул нь 1979 оноос хойш унтарсан байсан бөгөөд өнгөрсөн баасан гарагт дэлбэрсэн байна. Одоогоор Аюулгүй албаныхан нас барсан хүн байхгүй хэмээсэн ч галт уулаас гарах агаарын бохирдол хордуулах магадлалтай гэв.