Францаас олдсон хүрэл зэвсгийн үеийн олдвор нь Европын хамгийн анхны гурван хэмжээст газрын зураг байж магадгүй хэмээн мэргэжилтнүүд үзжээ.

1900 оны үед олдсон 2м*1.5 хэмжээтэй уг хавтанг 2014 онд Францын нэгэн цайзын зоориноос ахин олсон байна.

“Сен Бэлекийн хавтан” хэмээгддэг уг олдвор нь МЭӨ1900-МЭӨ1650 оны үед хамааруулан үзжээ. Гадаргуу дээрх хээ угалз нь Францын баруун хойд хэсэгт орших Финистерийн нутгийг дүрсэлсэн байх магадлалтай бөгөөд нүхнүүд нь Одет голын хөндийг гурван хэмжээсээр дүрсэлсэн байх магадлалтай гэж үзсэн аж. Газрын байршлаас харахад 80 хувийн нарийвчлалтай тус нутгийг хавтан дээр дүрсэлсэн байна.