Таиландын нийслэл Бангкок хотод зохион байгуулагдаж буй олон улсын “Miss Grand international” тэмцээнд Мьянмар Улсыг төлөөлөн оролцож буй мисс Хан Лай тайзан дээрээс бусад улсаас тусламж хүсжээ.

Тэрбээр өөрийн фэйсбүүктээ “Мьянмар Улсын төлөөлөгчийн хувьд би “Miss Grand International”-ын тайзан дээр дайн болон хүчирхийллийг  зогсоохын тулд алхана” хэмээн бичсэн байна.

Ийнхүү тэрбээр 63 орны мисс оролцож буй олон улсын миссийн тэмцээнд өөрийн дуу хоолойг хүргэжээ.

Хан Лай “Би эндээс дэлхий дахинд Мьянмарыг дэмжээрэй гэж хэлмээр байна. Мьянмарт цэргийн хүчнийхний гарт олон хүний амь үрэгдэж байна. Биднийг авраач” гэв.

Мьянмарт өнгөрсөн хоёрдугаар сарын 1-нд цэргийн хүчнийхэн Улс төрийн эрх мэдэлтнүүдийг унагаж, төрийн эргэлт хийсэн билээ. Энэхүү явдлыг эсэргүүцсэн иргэд, жагсаж байгаа бөгөөд уг жагсаалд 280 гаруй хүний амь эрсдээд байгаа  юм.