Францын нэгэн гэр бүлийн цуглуулагт 100 гаруй жил хадгалагдсан зураач Винсент Ван Гогын “Монтмартрын гудамжны дүр зураг” хэмээх зургийг дуудлага худалдаагаар зарагдахаас өмнө олонд дэлгэгдсэн билээ. Уг зургийг мэргэжилтнүүд 10 сая ам доллароор зарагдана хэмээн таамаглаж байсан юм.

Тэгвэл тус зураг өнгөрсөн пүрэв гарагийн дуудлага худалдаагаар 19.1 сая ам.доллароор худалдаалагджээ.

 Зураач Винсент Ван Гог “Монтмартрын гудамжны дүр зураг” бүтээлийг нас нөгчихөөсөө гурван жилийн өмнө буюу 1887 оны хавар урлаж байжээ.