Мьянмарт өчигдөр буюу лхагва гарагт төрийн эргэлтийг эсэргүүцэгчид чимээгүй ажил хаялт зарласан бөгөөд өнөөдөр ахин жагсахаар төлөвлөж байгаа аж. Сүүлийн өдрүүдэд жагсагчдын цар хүрээ буурч эхэлсэн бөгөөд жагсаалын идэвхтнүүд пүрэв гарагт томоохон цуглаан хийхийг уриалжээ.

Жагсаалын удирдагч Эй Тинзар Маунг “Хамгийн хүчтэй шуурга нам гүмийн дараа дэгддэг” хэмээн цахим хаягтаа нийтэлжээ.

Өнгөрсөн хоёрдугаар сарын 1-нээс эхэлсэн төрийн эргэлтийг эсэргүүцсэн жагсаалд 286 хүний амь эрсэдсэн байна.