Бангладешт Рохинжагийн дүрвэгсдийн хуаранд гал гарсны улмаас дор хаяж 15 хүн амиа алдсан бөгөөд 400 гаруй хүн сураггүй алга болсон хэмээн НҮБ мэдээлжээ. Дүрвэгсэд гал түймрээс зугтаан аврагдсан ч хэдэн арван мянган хүн орон гэр оронгүй болжээ. Дүрвэгсдэд туслах сайн дурын багийн судалгаагаар гал түймэрт 40-50 мянга гаруй өрх өртжээ.

2017 оноос хойш Рохинжагийн дүрвэгсдийн хуаранд Мьянмарын сая гаруй иргэн оршин сууж байгаа аж.  

НҮБ-ийн Дүрвэгсдийн комиссын дарга Йоханнес Ван Клааув “Одоогоор 400 гаруй дүрвэгчид ор сураггүй байгаа бөгөөд нуранги доор байх магадлалтай” хэмээжээ. НҮБ “550 гаруй хүн бэртсэн бөгөөд 45 мянган хүнийг нүүлгэн шилжүүлсэн” гэв.