АНУ-ын Колорадо мужийн хүнсний дэлгүүрт зэвсэгт этгээд халдаж 10 хүний амь эрсэджээ. Үүний дунд цагдаагийн нэг албан хаагч байсан гэв. Уг хэрэг “King Sooper” дэлгүүрт болсон бөгөөд цагдаа нар зэвсэгт этгээдийг баривчилсан боловч одоогоор гэмт этгээд юуны учир арван хүний  аминд хүрсэн нь тодорхойгүй байгаа аж.  Дэлгүүрийн ойролцоо явсан иргэд уг явдлыг ютүб хуудаснаа шууд дамжуулж байсан бөгөөд 51 настай цагдаагийн албан хаагч Эрик Талли зэвсэгт этгээдийг аюулгүй болгохын тулд тэмцэлдэж, амь насаа зольжээ.