“Өнгөрсөн даваа гарагт Колорадо мужийн Боулдер хотын “King Soopers” дэлгүүрт зэвсэгт этгээд халдаж, олон хүн амиа алдлаа. Одоогоор хэдэн хүн нас барсан талаар нэгдсэн тоо хэлэхэд хэцүү байна” хэмээн Боулдер хотын эрх баригчид мэдээллээ. Хэргийн талаар мэдээлэл бага байгаа бөгөөд зэвсэгт этгээд юуны учир гал нээсэн нь одоогоор тодорхойгүй байна.

Боулдер хотын цагдаагийн газрын захирагч Керри Ямагучи “Энэ үеэр амиа алдсан олон хүн байгаа бөгөөд түүний дунд нэг цагдаа байсанд бид харамсаж байна. Бид уг хэргийг үйлдсэн сэжигтнийг баривчилсан бөгөөд одоогоор энэхүү хэргийг ганцхан хүн үйлдсэн хэмээн харж байна” хэмээн мэдээлжээ.

Эх сурвалж: Guardian, Reuters