Коронавирусийн улмаас Токиогийн олимпд олон улсын үзэгчдийг оролцуулахгүй байх шийдвэр Олимпын хорооноос гаргажээ. Уг шийдвэрийг бямба гарагт болсон олон улсын цахим уулзалтын үеэр гаргасан байна.

Токиогийн Олимпын хорооноос “ Цар тахлын өнөөгийн байдлыг үндэслэн гадаад үзэгчдийг Японы хилээр оруулж ирэх боломж бага байна” хэмээсэн бөгөөд энэхүү шийдвэрийг Олон Улсын Олимпын хороо, Олон Улсын Паралимпын хороо хүндэтгэн хүлээн авчээ. Мөн олимпын тасалбар худалдан авсан хүмүүс удахгүй буцаан олголт хийхээ мэдэгдсэн байна.

Олимпын 9.5 сая тасалбар худалдаалагдсан байгаа бөгөөд 970 мянга нь Паралимпын тасалбар ажээ.