БНСУ, АНУ-ын тал цөмийн зэвсэгтэй холбоотой асуудлаар уулзаж, хэлэлцээ хийж байгаа. Уулзалтаар хоёр орон цөмийн зэвсгээс сэргийлэх төлөвлөгөө боловсруулж, дэмжсэн талаар олон улсын хэвлэлүүд мэдээлж буй. Тэгвэл үүнтэй зэрэгцэн Хойд Солонгос БНСУ-ын зүүн эргийн тэнгис рүү хоёр баллистик пуужин харважээ.

                           Өмнөд Солонгосын армийн мэдээллээр пуужингууд 1000 км гаруй зайд нисэж, далайд унасан бөгөөд мэдээллийг Японы Батлан хамгаалах яам баталсан байна. Түүнчлэн олон улсын хэвлэлүүд Хойд Солонгос шинэ төрлийн зэвсгийн туршилт эхлүүлээд байгаа талаар мэдээлээд байгаа аж. Хойд Солонгосын зэвсгийн туршилт эрчимжиж, баллистик пуужин харваж байгаа асуудлаар БНСУ-ын Үндэсний аюулгүй байдлын зөвлөл шуурхай хуралдаан зарлаад байгаа юм байна.