Энэтхэгийн Керала мужид үхлийн аюултай нипа вирус дэгдэж, вирусийн улмаас хоёр хүн нас бараад байгаа талаар бид өмнө нь мэдээлсэн. Тэгвэл нипа вирусийн тархалттай холбоотойгоор ДЭМБ-аас өнгөрсөн есдүгээр сарын 15-наас хойш тус вирусийн шинэ тохиолдол илрээгүй тухай мэдэгдэл хийжээ.

                         Сарьсан багваахай, гахай зэрэг амьтнаас гаралтай нипа вирус анх 2001 онд Энэтхэгт илэрсэн. Илэрсэн цагаасаа хойш тус улсад зургаа удаа дэгдэж, халдвар авсан хүмүүсийн 70 орчим хувь нь нас барсан байдаг аж. Одоогийн байдлаар Энэтхэгт нипа вирусийн батлагдсан тохиолдол зургаа байгаа бөгөөд хоёр нь вирусийн улмаас амиа алдаад байгаа юм.