Сомалид байдаг Африкийн холбооны баазыг “Аль-Шабааб” бүлэглэл бүсэлж, халдлага үйлдсэн. Тэгвэл халдлагын улмаас тус баазад байсан Африкийн холбооны 54 энхийг сахиулагч амиа алдсан талаар Уганда Улсын Ерөнхийлөгч Йовери Мусевени мэдэгджээ.

                      “Аль-Шабааб” өнгөрсөн 10 гаруй жилийн турш Сомалигийн Засгийн газрын эсрэг босож байгаа бөгөөд өнгөрсөн долоо хоногт үйлдсэн халдлага нь 2022 оны наймдугаар сард Африкийн холбооны дэмжлэгтэй Засгийн газрыг дэмжигч хүчнүүдэд цохилт өгснөөс нь хойших хамгийн өндөр хохирол учруулсан гэнэ. Одоогийн байдлаар Африкийн холбоо, Сомалигаас халдлагад нийт хэдэн хүн амь үрэгдэн талаар мэдээлээгүй байгаа бөгөөд тус бааз руу нэмэлт хүч, нисдэг тэрэг илгээсэн талаараа мэдээлжээ.