Кремлийн хэвлэлийн төлөөлөгч Дмитрий Песков “ТАСС” агентлаг өгсөн ярилцлагадаа ОХУ, Украины дайнд энхийн хэлцэлд хийх нөхцөл бүрдээгүй талаар мэдэгдсэн байна. Тэрбээр “Украин дахь цэргийн тусгай ажиллагааг энхийн замаар шийдвэрлэх тухай ярихад эрт байна. Энхийн хэлцэл хийх нөхцөл бүрдээгүй. Олон улсын санал, Москвагийн байр суурийг ч ярих болоогүй байна” гэжээ. Харин Кремль Украины Засгийн газартай хэлэлцээр хийх тухай асуултад “Бараг л боломжгүй” гэж хариулсан бөгөөд Украины Засгийн газар ОХУ-тай ямар ч хэлэлцээр хийхийг хориглосон дотоод шийдвэр гаргасан байгаа талаар мэдээлжээ.

ОХУ, Украины дайн 455 дахь өдрөө үргэлжилж байгаа бөгөөд  Кремлийн хэвлэлийн төлөөлөгчийн мэдээлснээр хоёр тал энхийн хэлцэл хийх бодолгүй байгаа аж.