Япон Улсын Ерөнхий сайдын зөвлөх Масако Мори тус улс мөхөхөд ойрхон байгаа талаар мэдэгджээ. Тодруулбал, Японд төрөлт түүхэн доод хэмжээндээ хүрч, нас баралтын түвшин өндөр байгааг онцолсон байна.

                            Японд өнгөрсөн 2022 онд 799,728 төрөлт бүртгэгдсэн бөгөөд уг тоон үзүүлэлт нь сүүлийн 40 жилийн хугацаан дахь хамгийн доод хэмжээ гэнэ. Харин өнгөрсөн онд 1.6 сая орчим хүн нас баржээ. Энэ нь дэлхийн дайнаас хойш тус улсад бүртгэгдсэн хамгийн өндөр нас баралтын түвшин аж. Улмаар төрөлт багасаж, нас баралтын түвшин өндөр байгаагаас үүдэн Япон Улс мөхөхөд ойрхон байгааг тус улсын Ерөнхий сайдын зөвлөх Масако Мори онцолжээ.