Грек Улсад өнгөрсөн өдөр Афин-Селаник чиглэлийн хурдны галт тэрэг Селаник-Лариса чиглэлийн ачаа тээврийн галт тэрэгтэй мөргөлдсөн осол болсон талаар мэдээлсэн. Үүнтэй холбоотойгоор тус улсын Зам, тээврийн сайд Караманлис өөрийн хүсэлтээр ажлаа хүлээлгэн өгсөн юм. Тэгвэл шинэ мэдээллийн грекчүүд “Галт тэрэгний ослыг санаатайгаар зохион байгуулсан” гэж үзэн ажил хаялт зарлаж, эсэргүүцлийн жагсаал хийж байна.

                              Грекийн Ерөнхий сайд Кириакос Мицотакис ослыг “Хүний алдаа байсан”-ыг онцолж, шударга мөрдөх ажиллагаа явуулахаа мэдэгдээд байгаа ч иргэд эсэргүүцэн жагсжээ. Жагсаалд оролцож буй иргэд “Засгийн газар 43 хүнийг хөнөөсөн” гэх утга бүхий үг бичсэн самбар барьж эсэргүүцлээ илэрхийлж байгаа бөгөөд  Грек Улсын Ажилчдын холбооноос бүрэн ажил хаялт зарлаад байгаа юм.