Их Британи, Умард Ирланд Нэгдсэн Вант Улсад долоо хоногийн ажлын өдрийг дөрөв болгох туршилт амжилттай болжээ. Уг туршилтад өнгөрсөн 2022 оны зургадугаар сараас хойш Их Британийн нэр бүхий 61 компани оролцож, 2900 гаруй ажилтнаа долоо хоногийн дөрвөн өдөр ажиллуулсан байна. Тэгвэл долоо хоногийн ажлын өдрийг дөрөв болгох хөтөлбөрийг зохицуулагчийн зүгээс туршилт амжилттай болсныг мэдэгдсэнээр Их Британийн компаниуд долоо хоногийн ажлын өдрийг дөрөв болгох хөтөлбөрт нэгдэж эхэлжээ. Энэ талаар тус хөтөлбөрт оролцсон Кембриджийн их сургуулийн судлаач Дэвид Фрайн “Үр дүнгээс илүү хүмүүсийн мөрөөдөл бидэнд урам зориг өгсөн” хэмээсэн байна.

Ташрамд дурдахад, хөтөлбөрөөс өмнөх ажлын түвшинг хадгалах зорилгоор хөтөлбөрт хамрагдсан компаниудын ажилтнууд долоо хоногийн дөрвөн өдөрт дор хаяж 32 цаг ажилласан аж.