ОХУ-ын Ерөнхийлөгч Владимир Путины захирамжийн дагуу өнгөрсөн оны хоёрдугаар сарын 24-нд Оросын 200 мянган цэрэг Украин руу довтолсон байдаг. Тэгвэл нэг жил орчим үргэлжилсэн ОХУ, Украины дайны эхлэл дэлхийн хоёрдугаар дайнаас хойших Европт болсон хамгийн хүчтэй тулаан болсныг олон улсын хэвлэлүүд онцолж байна. Саяхан болсон НҮБ-ын Ерөнхий Ассамблейн хуралдааны үеэр тус байгууллагын Ерөнхий нарийн бичгийн дарга Антонио Гутерреш ОХУ Украин руу довтолсныг дэлхийн улс, орнуудын хамтын ухамсарт нийгмийг доромжилсон үйлдэл болсныг онцолж, буруушаасан юм. Харин НҮБ-аас ОХУ, Украины дайн эхэлснээс хойш амь эрсэдсэн энгийн иргэн, цэргүүдийн мэдээллийг ил болгов.

НҮБ-ын тооцоогоор ОХУ, Украины дайн эхэлснээс хойш Зүүн Европт 7,199 иргэн, хоёр улс тус бүр хамгийн багадаа 100 мянга гаруй цэргээ алдсан гэж үзэж байна. Мөн АНУ-ын цэрэг, тагнуулын байгууллага хоёр орны амссан хохирол, иргэдийн амьдрал хэрхэн өөрчлөгдсөн талаар мэдэгдэх гэнэ.