Сирид болсон газар хөдлөлтийн дараах эрэн хайх, аврах ажиллагааны үеэр нуранги дор төрсөн Аяа охиныг аварсан талаар бид өмнө нь мэдээлсэн. Харамсалтай нь, Аяа охины гэр бүлийнхэн нурангин дор дарагдаж, амиа алдсан бөгөөд олон улсаас Аяа охиныг үрчлэх хэдэн мянган хүсэлт Сирид очсон. Тэгвэл өнгөрсөн өдөр Сирийн Африны Эрүүл мэндийн газраас зэвсэглэсэн этгээдүүд Аяа охиныг хулгайлахыг завдсан талаар “BBC” агентлаг мэдээллээ.

                                 Эх сурвалжийн мэдээлснээр Аяа охиныг асарч байсан Эрүүл мэндийн газар нь Сирийн сөрөг хүчний хяналтад байдаг бүс нутгийнх бөгөөд зэвсэглэсэн хоёр этгээд эмнэлэгт орон нэгэн сувилагчтай хамтарч, менежерийг нь зодож, охиныг авч явахыг завдсан байна. Мөн эх сурвалж зэвсэглэсэн этгээдүүд охиныг хулгайлж, гадаадаас ирсэн хүсэлтийн дагуу зарах гэж байсныг хэлжээ. Одоогоор Аяа охиныг шилжүүлж, өндөр хамгаалалттай эмнэлэгт асарч байгаа аж.