Турк, Сирийн хил бүс нутагт 7.8 магнитудын хүчтэй газар хөдөлснөөс хойш 10 өдөр өнгөрчээ. Энэ хугацаанд хоёр орон нурангид дарагдсан иргэдийг аврах, эрэн хайх ажиллагаа явуулсан. Сири Улс өнгөрсөн долоо хоногт эрэн хайх, аврах ажиллагаагаа зогсоож байгааг албан ёсоор мэдэгдсэн. Харин Туркт ажиллагаа идэвхтэй үргэлжилж байгаа бөгөөд зарим хотод газар хөдлөлтийн чичирхийлэл мэдрэгдсэн тул аврах ажиллагааг түр хугацаанд зогсоож, эргэн үргэлжлүүлж байгаа.

                                     Тэгвэл хамгийн сүүлийн үеийн мэдээллээр Турк, Сирийн газар хөдлөлтөд амиа алдсан хүний тоо 41 мянгыг давжээ. Сирийн Хүний эрхийн байгууллагын мэдэгдсэнээр 5800 гаруй хүн амиа алдсан бол Туркт амиа алдсан хүний тоо 35,418 болсныг албаныхан мэдээлж байна. Одоогоор дэлхийн улс, орнуудаас Туркт үзүүлсэн тусламжийн бараа, бүтээгдэхүүнийг хотууд руу хуваарилан түгээж эхэлжээ.