Хойд Солонгосын удирдагч Ким Жон Ун охин Жү Аэтэй нь ижил нэртэй охид, эмэгтэйчүүдийг нэрээ солихыг шаардсан тушаал өгчээ. Уг тушаалыг одоогоор Хойд, Өмнөд Пёнган муж, Жонжү, Пёнсон хотод хэрэгжүүлж эхлээд байгаа бөгөөд тушаалыг биелүүлээгүй тохиолдолд албадан солих гэнэ.

                                 Ким Жон Уны охин Жү Аэ өнгөрсөн 2022 оны сүүлчээр тив алгасагч баллистик пуужинтай холбоотой олон улсын эсэргүүцлийн үед анх удаа олон нийтийн өмнө гарч ирсэн. Судлаач, шүүмжлэгчдийн үзэж байгаагаар одоо 10 орчим настай Жү Аэ нь Ким Жон Уны гурван хүүхдийн хоёр дахь нь, өөр охин, хүү хоёр байгаа гэнэ. “Insider” агентлагийн онцолж байгаагаар Жү Аэ нь Хойд Солонгосын удирдагч Ким Жон Уны залгамжлагч болох өндөр магадлалтай аж.