Исламын Бүгд Найрамдах Пакистан Улсын Пешавар хотын мөргөлийн сүмд дэлбэрэлт болж, 59 хүн амиа алдаж, 150 гаруй хүн хүнд, хөнгөн шархаджээ. Албаныхны мэдэгдсэнээр биедээ тэсрэх бөмбөг нуусан террорист сүмд орж, өөрийн амиа егүүтгэсэн аж. Дэлбэрэлт болсон сүм нь цагдаагийн хатуу хамгаалалттай бүсэд байдаг бөгөөд одоогоор 300-400 цагдаагийн алба хаагч ажиллаж байгаа гэнэ. Уг хэргийн талаар тус улсын Ерөнхий сайд Шехбаз Шариф “Террористууд Пакистаныг хамгаалах үүргээ гүйцэтгэж буй хүмүүсийг онилж, бидэнд айдас төрүүлэхийг хүсэж байна” хэмээжээ.

Иргэд болсон халдлагад Пакистаны Талибан бүлэглэлийг буруутгасан. Харин тус бүлэглэлийн зүгээс үгүйсгэж, оролцоогүй гэдгээ мэдэгдээд байна.