“Рио Тинто” группийн Австрали дахь Гудай-Дарри уурхайгаас цацраг идэвхт бодистой капсул алдагджээ. Цацраг идэвхт бодис алдагдсан хэрэгтэй холбоотойгоор “Гээсэн тохиолдолд хэн нэгэн мэдэлгүй капсулыг авч болзошгүй” гэж үзэн Кимберли мужид сэрэмжлүүлэх дохио зарлаад байна. Одоогийн байдлаар “Рио Тинто” группээс цацраг идэвхт бодистой капсул энэ сарын 12-25-нд алдагдсан гэж мэдэгдээд байгаа бөгөөд яг алдагдсанаас хойш хэр хугацаа өнгөрөөд байгаа нь тодорхойгүй байгаа юм.

                              “Рио Тинто” групп төмрийн хүдрийн уурхайгаа өргөтгөхийн тулд Жуукан хавцал дахь 46 мянган жилийн настай хадыг дэлбэлсэн. Уг үйл явдалтай холбоотойгоор шуугиан дэгдэж, тус группийн хэд хэдэн томоохон дарга албан тушаалаасаа буухад хүрсэн. Тэгвэл одоо болж байгаа цацраг идэвхт бодистой капсул алдагдсан хэрэгт хэн, ямар хариуцлага хүлээх нь сонин байгааг “BBC” агентлаг онцолжээ.