Оросын “Вагнер” бүлгийн хөлсний цэргүүд улсынхаа армитай нэгдэж, Украины эсрэг тулалдахаа зарласан. Тэгвэл “Вагнер” бүлэг Украины эсрэг тулалдах нэмэлт хүч цуглуулан цэрэгт татаж, тулаанд бэлдэх тухай мэдээг Серби даяар цацсан нь тус улс даяар үймээн үүсгээд байна.

                                  Өнгөрсөн жилүүдэд Серби Улс “ОХУ-тай найрамдалт харилцаагаа чухалчихдаг” хэмээн НАТО, Европын холбоонд шүүмжлүүлж байв. Харин болж байгаа үйл явдалтай холбоотойгоор тус улсын Ерөнхийлөгч Александр Вучич “Вагнер” манай орны хуулийг зөрчиж байгаагаа мэдсээр байж яагаад ийм зүйл хийснийг нь ойлгохгүй байна” хэмээн үндэсний телевизээр бухимдангуй ярьсан бөгөөд “ОХУ-тай тийм ч таатай харилцаатай бус байгаа. Ерөнхийлөгч Владимир Путинтэй олон сарын турш яриагүй” гэжээ. Одоогоор сербичүүд чимээгүй жагсаал хийж байгаа бөгөөд энэ цаашид эсэргүүцэл, тэмцлийн хэлбэрт хүрч болошгүйг шинжээчид онцолж байна.