Шведийн Хант Улсын парламент өчигдөр улстөрч Магдалена Андерссоныг Ерөнхий сайдаар сонгож, тус улс түүхэндээ анх удаа эмэгтэй Ерөнхий сайдтай болсон. Тэгвэл уг шийдвэрийн дараа эвслийн Засгийн газрын хамтрагч, бага нам буюу Ногоон нам танхимаас гарч, ирэх оны төсвөө батлуулж чадаагүй учир Шведийн Хант Улсын анхны эмэгтэй Ерөнхий сайд Магдалена Андерссон ажилдаа томилогдсоноосоо хойш 12 цагийн дараа огцорчээ.

          Ногоон намаас “Хэт барууны үзэлтнүүдтэй хамтарч боловсруулсан төсвийг хүлээн авахгүй” гэж мэдээлсэн байна. Үүний дараа 12 цаг Ерөнхий сайдаар ажилласан Магдалена Андерссон “Асуудал шийдэгдэж, дахин Ерөнхий сайдаар сонгогдоно гэдэгтээ итгэлтэй байна” хэмээн мэдэгдсэн аж.