Баянхонгор аймгийн Жаргалант сумаас Өлзийт багийн Таван жаргалант гэдэг газар руу хоёр автомашинаар зорчиж явсан 32 хүн өчигдөр шөнө 22:00 цагийн орчим Байдраг голын усанд боогджээ. Тэдгээр иргэн Жаргалант суманд хүүхдүүддээ нярайн вакцин хийлгээд буцаж явсан байна. Улмаар ОБЕГ-т дуудлага өгчээ. Дуудлагын дагуу тус аймгийн Онцгой байдлын газрын Жаргалант сум дахь Эрэн хайх салбарын алба хаагчид таван километр зам туулан 22:42 цагт очиж, завиар аюулгүй газарт гаргасан аж. Тэдний 25 нь том хүн, долоо нь хүүхэд байжээ.