Төв аймгийн Мөнгөнморьт сумын хоёрдугаар багийн Бага ханан гэдэг газар Багануур дүүргийн харьяат малчин А энэ сарын 9-нд  04:00 цагийн орчим г гэрээсээ "Адуундаа явлаа" гэж морьтой гараад сураггүй болсон байна. Сураггүй болсон тухай дуудлагыг  Нийслэлийн Багануур дүүргийн Онцгой байдлын хэлтсийн Гал түймэр унтраах, аврах 64 дүгээр ангийн алба хаагчид нэгдүгээр сарын 13-нд 09:55 цагт  хүлээн авчээ.

     Улмаар 44 настай, иргэн А-г тухайн  өдрийн 11:10 цагаас эрэн хайх ажиллагааг зохион байгуулж, мөн өдрийн 12:10 цагт Төв аймгийн Баяндэлгэр сумын Галуут багийн Их цанат гэх газар байдаг отрын гэртээ нас барсан байдалтай байхад нь олж, Төв аймгийн Цагдаагийн газартай зөвшилцсөнөөр ар гэрийнхэнд нь хүлээлгэн өгсөн.