Зэвсэгт хүчний 123 дугаар ангиас хугацаат цэргийн албан хаагч оргосон гэх мэдээлэл цацагдсан. Тодруулбал, Ховд аймгийн Булган сумаас цэргийн албанд татагдсан цэргийн албан хаагч оргож, Зэвсэгт хүчний 123 дугаар ангийн удирдлагууд эрэн хайж олсон талаар орон нутгийн хэвлэл мэдээлсэн билээ.

  Тэгвэл бид Зэвсэгт хүчний 123 дугаар ангийн захирагч Х.Энхболдоос тодрууллаа. Тэрбээр “Манай ангиас цэргийн албан хаагч оргосон гэдэг нь үндэслэлгүй худал мэдээлэл. Ямар шалтгааны улмаас манай аймгийн хэвлэл ийм худал мэдээлэл цацаж, олон нийтийг төөрөгдүүлж байгааг ойлгохгүй байна. Одоогийн байдлаар манай ангиас цэрэг оргосон асуудал байхгүй гэдгийг хариуцлагатайгаар мэдэгдье. Шинэ цэргүүдээ татаж дуусаагүй байна” гэлээ.