Монгол Улсад хамгийн сүүлд цаазын ял сонссон дуулиант хэрэг 2007 онд гарч байжээ. Тухайлбал,  хадгаламж зээлийн хоршоодын дампуурал шил дараалан зарлагдаж байсан тэр өдрүүдэд “Гэр хорооллын барилгажилт” ХЗХ-ны эзэн Ц.Түмэнгэрэл Санхүүгийн зохицуулах хорооны дарга Д.Бадрааг хутгалан амь насыг нь хороосон хэрэг гарч байжээ. Үүний дагуу 2007 оны дөрөвдүгээр сарын 26-нд Ц.Түмэнгэрэлд ялын дээд хэмжээ буюу цаазаар авах ял оноосон гэдэг. 

      Харин манай улсад цаазын ялыг  хэзээ, хаана хэрхэн гүйцэтгэснийг нууцалсаар иржээ. Энэ тухай ар гэрийнхэнд нь мэдэгдсэн ч цогцосыг нь өгөөгүй байна. Түүнчлэн энэхүү хэргийн талаар  нууцалдаг учраас цаазлуулсан Түмэнгэрэл гадаадад явна гэх цуурхал гараад намжжээ. 2010 онд Ерөнхийлөгч  Ц.Элбэгдорж цаазаар авах ялаас түдгэлзсэн. Мөн өөрөө уучлал хүссэн тохиолдолд 30 жил хүртэл хорих ялаар шийтгэгдэх байсан ч тэрээр уучлалт гуйгаагүй байна.