“Бүжигчин ажилд авна. Цалин сарын 6-8 сая төгрөг” хэмээн удаа дараа зар оруулж, охидыг ажилд авдаг баарны ажилтнаас хар тамхи илэрчээ. Тодруулбал, Эрүүгийн цагдаагийн албанаас тайчих үзүүлбэр үзүүлдэг хоёр ч бааранд шалгалт хийжээ. Шалгалтын явцад тус баарны үйлчлүүлэгч, тайчих үзүүлбэр үзүүлдэг эмэгтэй хар тамхи илэрсэн байж болзошгүй гэх. Тус бааранд үйлчлүүлж байсан иргэн, тайчих үзүүлбэр үзүүлж буй 10 гаруй хүнээс мансууруулах, сэтгэцэд нөлөөлөх төрлийн бодисын шинжилгээ авахад хоёр хүний хариунаас бодис илэрчээ.

          Мөн шинжилгээнээс нь хар тамхи илэрсэн үйлчлүүлэгч гэх хүн нь Гаалийн ерөнхий газрын улсын байцаагч байж болзошгүй гэх мэдээлэл зарим хэвлэл мэдээллийн хэрэгслээр цацагдаад байна.

Бид энэ талаар эргэн мэдээлэх болно.