Налайх дүүргийн .. дугаар сургуулийн дөрөвдүгээр ангийн сурагч хүү алга болсон талаар түүний ар гэхийн цахим сүлжээнд цацаж, тусламж хүсжээ. Хүүгийн ар гэрийнхэн “Орой хичээлээсээ тараад ирсэнгүй. 10 настай хүүгээ хайж байна. Бүчтэй саарал малгай, ногоон пүүз, бараан өнгийн хөх эрээн гадуур хувцас, сурагчийн дүрэмт хувцасны өмдтэй явж байсан. Хот хоорондын автобусанд суусан байж болзошгүй” хэмээжээ.

Бид хүүгийн ар гэрийнхэнтэй холбогдож, хүүгээ олсон эсэх талаар тодруулахад “Хүүгээ орой эсэн мэнд, эрүүл саруул оллоо. 10 настай хүү минь автобусны буудлаа мэдэхгүй, андуураад хот руу явчихсан байна лээ. Автобусны жолооч нь цагдаад мэдэгдсэнээр хүүгээ эсэн мэнд оллоо. Хүүг минь олоход шуурхай ажиллаж өгсөн Налайх дүүргийн цагдаагийн албан хаагчид, сургуулийн захиргаа, ангийн багш, эцэг, эхчүүддээ баярлалаа” гэв.