Дэлхийн тэргүүлэгч криптовалют Биткойн 12 долоо хоногийн турш дараалсан уналтаа зогсоож, өнгөрсөн амралтын өдөр эргэн сэргэжээ. Өнгөрсөн бямба гарагт огцом уналттай гарсан Биткойны ханш ням гарагийн хаалтаар 7.6 хувийн өсөлт үзүүлж, 20 мянган ам.доллар давсан байна.

                 “National Alliance Securities” компанийн Олон улсын тогтмол орлого хариуцсан дарга Эндрю Бреннер “Мэргэжлийн арилжаачид бага цагаар ажилласан амралтын өдөрт жижиглэнгийн хөрөнгө оруулагчид их хэмжээгээр криптовалют худалдаж авсан нь Биткойны өсөлтөд нөлөөлсөн” гэж тайлбарлажээ. Мөн дэлхийн хоёр дахь тэргүүлэгч криптовалют болох Ethereum өчигдөр 13 хувиар өсөж, 1131 ам.доллар болсон байна.