Жүдо бөхийн өсвөр үеийн ДАШТ-ий мөнгөн медальт Жамсрангийн Анударь нийслэлийн ерөнхий боловсролын 97 дугаар дунд сургуулийн арванхоёрдугаар ангийн сурагч. ХУД-ийн “Женко” клубийн багш, МУГД Шархүүгийн Цэвэлмаа, ОУХМ Саранзаяа нарын удирдлага дор долоо дахь жилдээ бэлтгэл сургуулилалтаа хийж байгаа. Зургаан ам бүлтэй айлын том охин. Аав нь үндэсний бөх сонирхдог хүн байдаг. Үндэсний бөхөөр барилддаж явсан юм билээ. Жүдо бөхийн сонгомол дасгалууд Ж.Анударийн сонирхолыг татаж, жүдо бөхөөр сонирхон  хичээллэж эхэлсэн гэдэг.

     Монгол Улсын хөдөлмөрийн баатар, гавьяат тамирчин,  дэлхийн аварга, олимпын хүрэл медальт Мөнхбатын Уранцэцэгийн барилдааныг шимтэн сонирхон үздэг гэсэн.  М.Уранцэцэгийн хэвтээ барилдааны сонгодог, өчих мэхнүүдийг сурч авахыг хичээж байгаа юм билээ. Харин Ж.Анударь сүүлийн үед ороож этэх мэхийг голчлон хийж байгаа харагдсан. Тэрбээр өсвөр үеийн улсын аварга шалгаруулах тэмцээн болон Азийн аварга, Азийн цомын аварга шалгаруулах тэмцээнээс алтан медаль хүртэж байсан.

       Казахстанд болсон Олон улсын жүдо бөхийн холбоо (IJF)-ны календарьт багтдаг өсвөр үеийн Азийн цомын тэмцээн алтан медаль, 2024 онд  Итали Улсад болсон Олон улсын жүдо бөхийн холбоо (IJF)-ны календарьт багтдаг “FUENGIROLA CADET EUROPEAN CUP 2024” Европын цомын цуврал тэмцээнээс алтан медаль, мөн Испани Улсад болсон “FUENGIROLA CADET EUROPEAN CUP 2024” Европын цомын тэмцээнээс алтан медаль тус тус хүртэж байсан.

         Өнгөрсөн 2023 онд Итали Улсад болсон тус цомын тэмцээнээс мөнгөн медаль хүртэж байв. Түүнд жүдо бөхийн бэлтгэл, сургуулилалт гээд надад бараг л чөлөөт цаг гэж гардаггүй гэнэ лээ. Зав, чөлөө гарвал сонирхолтой подкастуудыг сонсох дуртай юм билээ.