Газар хөдлөлт болсноос 12 цагийн дараа Газиантеп дэх барилгын нурангин доороос хоёр хүүхдийн хамт аврагдсан Кадер Эржан хэвлэлд яриа өгчээ. Тэрбээр “Охиноо өвөртөө тэврэн гүйхэд барилга дээрээс нурсан. Нэг л мэдэхэд бид нурангин дор, охин минь миний тэвэрт, хүү минь хөлний хажууд байж байсан. Би охиноо өргөж, амьсгаа авахуулахыг оролдсон. Бид чадлаараа орилж, тусламж гуйсан боловч хэн ч сонсоогүй. Би хүүхдүүд рүүгээ үлээж амьсгаа авахуулахыг оролдсоор байсан. Хэдэн цагийн дараа бидний хөлний доороос гэрэл гарч эхэлсэн. Хэрвээ тэр хэсгээр агаар нэвтрээгүй бол бид амьгалж чадахгүй болох байсан. Үүний дараахан миний нөхөр, нөхрийн ах хоёр биднийг нурангиас гаргасан” гэв.

    Газар хөдлөлт болж байх үед шатахуун түгээх газартаа ажиллаж байсан түүний нөхөр Абдуллах Эржан гэр бүлийнхнээ аврахын тулд ойр хавьд байсан хүмүүстэй нийлэн нурангийг 12 цаг тасралтгүй ухаж, хичээсний эцэст эхнэр, хүүхдүүдээ амжилттай гаргаж чаджээ. Абдуллах Эржаны гэр бүлийнхэн одоо эмнэлэгт байгаа бөгөөд биеийн байдал нь сайн байгаа юм байна.

https://www.bbc.com/turkce/live/64533110/page/5

Д.ЭНХБИЛГҮҮН