ОХУ: Украины пуужингийн дайралтад 89 цэрэг амиа алдлаа

Оросын Батлан хамгаалахын яамнаас “Украины Донецк мужид өрнөсөн пуужингийн дайралтад 63 цэрэг өртөж амиа алдсан” хэмээн мэдэгдсэн. Батлан хамгаалах яамны ажилтан Игор Конашенков “Цэргүүдийн түр байрлаж байсан сургууль руу хөөргөсөн АНУ-д үйлдвэрлэгдсэн HIMAR пуужингийн дөрөв нь Макиевка хотын ойролцоох сургуулийн барилгыг оносон, хоёр пуужинг замд нь устгасан” хэмээн мэдэгдэлдээ онцолсон юм. Ройтерс мэдээллийн агентлаг, Рибар нэрээр танигдсан орос цэргийн блогийн нийтлэлд энэхүү дайралтад 100 гаруй цэрэг өртсөн гэсэн юм. Түүнчлэн Рибар “Дайралтын үед барилга дотор 600 хүн байсан. Тухайн сургуулийн барилгыг зэр зэвсэг хадгалах зорилгоор ашиглаж байсан” гэж дурджээ.

Цэргүүдийн гар утасны сүлжээг ашиглан Украины тал дайрсан хэмээн мэдэгдэв

    2023 оны нэгдүгээр сарын 1-ний өдөр ОХУ-ын 89 цэргийн аминд хүрсэн пуужингийн довтолгоо нь цэргүүдийн гар утасны хэрэглээтэй холбоотойг олж тогтоожээ. Гар утас хэрэглэхийг хориглосон Оросын цэргийн арми тус журмыг дагаагүй цэргүүдийн уршгаар Украины дайралтын бай болсон байх магадлал өндөр байгаа аж. Энэхүү дайралт 2022 оны хоёрдугаар сараас хойших хамгийн олон цэрэг нэг дор амиа алдсан тохиолдол болсон аж. Үүнтэй холбоотойгоор ОХУ-ын Зэвсэгт хүчин дайралтыг зохион байгуулсан талд хариуг нь буцааж өгөхөө, ирээдүйд үүнтэй адил үйл явдал дахин болгохгүй байх тал дээр онцгой анхаарч ажиллахаа мэдэгдлээ. Макиевка хотод болсон пуужингийн дайралтад анх 63 цэрэг амиа алдсан гэж мэдэгдэж байсан ч амиа алдсан цэргүүдийн тоо 89-д хүрчээ. ОХУ-ын Ерөнхийлөгч Владимир Путин амиа алдсан цэргийн ар гэрийхэнд 5 сая рублийн нөхөн олговор олгохоор болжээ.

https://www.bbc.com/turkce/articles/c16wpj64034o

https://www.bbc.com/turkce/articles/cldl5dp270go