Хятадын олон хотод "Ковидгүй байх" Коммунист нам, Ши Жиньпиний “Тэг-Ковид” бодлогыг эсэргүүцсэн жагсаал болж байна. Өнгөрөгч наймдугаар сараас хойш Ковидийн хязгаарлалтад орсон Өрөмч хотод гарсан гал түймэр нь  эсэргүүцлийн жагсаалыг өдөөсөн аж. Тухайлбал Шиньжан Уйгарын нийслэл Өрөмч хотод гарсан гал түймрийг унтраахаар галын машинууд очтол, орон сууцны гадуурх хаалтыг давж чадалгүй гацаж, улмаар гал түймрийн улмаас 10 хүн амиа алдаж, цөөнгүй хүн шархадсан байна. Мөн BBC-д өгсөн зарим эх сурвалж "Гал гарч байсан ч оршин суугчдыг гадагш гарахыг зөвшөөрөөгүй" гэх мэдээлэл байгаа юм.

Энэ мэт ковидын хатуу дэглэмтэй хорбоотой ард, иргэдийн хүнд нөхцөл байдал жагсаал, цуглаан үүсэхэд нөлөөлжээ. Өөр нэгэн эх сурвалжийн мэдээлснээр их дээд сургуулиудын гадаа оюутнууд жагсаж эхэлжээ. Үүнийг 1989 онд болсон Тянь ан Мэн талбайд болсон жагсаалаас хойших, анхны томоохон жагсаалтай зүйрлэж байна.