Францын Ерөнхийлөгч Эммануэл Макрон Франц Улс ирэх 10 жилд нэг тэрбум мод тарьж, ойн сангийн 10 хувийг нөхөн сэргээх амлалт өгсөн талаар Ройтерс агентлаг мэдээлжээ.  Өнгөрсөн зун тус улсын нутаг дэвсгэрийн зарим хэсэг, ялангуяа, баруун урд нутаг ойн түймэрт өртсөн байна. Дэлхийн дулаарлаас үүдэн Франц Улсад ойн түймрийн эрсдэл нэмэгдэж буйтай холбогдуулан агаараас гал түймэр унтраах, аврах хүчин чадлыг нэмэгдүүлэхэд 250 сая еврогийн хөрөнгө оруулалт хийхээ Макрон зарласан юм.  

Өнгөрсөн зун гал түймэр унтраах, аврах ажиллагаанд оролцсон бие бүрэлдэхүүнд хүндэтгэл үзүүлэх ёслолын үеэр Ерөнхийлөгч Макрон дээрх мэдэгдлийг хийжээ. Ойн түймэрт 72 мянган га талбай бүхий газар нутаг өртсөн нь өнгөрсөн 10 жилийн дунджаас зургаа дахин өндөр байгааг тэрбээр хэлсэн үгэндээ онцолсон байна.

Эх сурвалж: https://www.reuters.com/world/europe/macron-wants-replant-10-french-forest-after-summer-wildfires-2022-10-28/