Сармагчны цэцэг өвчний 780 гаруй батлагдсан тохиолдол бүртгэгдсэн гэж ДЭМБ мэдэгдэв. Энэ нь долоо хоногийн өмнө бүртгэгдсэн 257 тохиолдлоос гурав дахин нэмэгдсэн үзүүлэлт юм. 

        Эдгээр шинэ тохиолдлын ихэнх нь Европ, Хойд Америкт, Мексик, Аргентин, Марокко, Арабын Нэгдсэн Эмират улсад бүртгэгдсэн байна. Их Британид 207 тохиолдол буюу хамгийн их байгаа бол Испанид 156, Португалид 138 тохиолдол бүртгэгдсэн байна. ДЭМБ-ын хамгийн сүүлийн үеийн мэдээллээр батлагдсан тохиолдлуудын тоо эрс нэмэгдэж буй аж. Сармагчны цэцэг өвчний хүний амь насанд учруулах эрсдэл нь бага хэвээр байгаа хэдий ч дэлхий нийтэд тархвал нийгмийн эрүүл мэндийн эрсдэл өндөр болж болзошгүй гэж мэдэгдэв. Одоогийн байдлаар уг өвчний улмаас нас барсан тохиолдол бүртгэгдээгүй байна.

Түүнчлэн, дэлхийн эрүүл мэндийн байгууллага одоогоор бүртгэгдсэн тохиолдлын ихэнх нь эрэгтэйчүүд байгааг онцолж байна. Сармагчны цэцэг нь бэлгийн замаар дамждаг гэсэн нотолгоо байхгүй ч ойрын хавьтлаар дамждаг байна.

ЭХ СУРВАЛЖ:BBC NEWS