Непалын аврагчид 22 хүн сууж явсан бага оврын онгоцны ослын газраас одоогийн байдлаар 14 хүний ​​цогцсыг гаргаж авлаа гэж нисэх буудлын албаны хүн энэ даваа гарагт мэдэгдэв.

 Непалын "Тара Эйр" агаарын тээвэрлэгч онгоцны сэгийг Непалын хойд хэсгийн Мустанг дүүрэгт олжээ.Зорчигчдийн онгоц 20 минутын нислэг хийж байгаад газардахаас таван минутын өмнө агаарын хөдөлгөөний удирдлагатай холбоо тасарсан байна. Үлдсэн зорчигчдыг эрэн хайх ажиллагаа үргэлжилж байна гэж албаны хүн мэдэгдэв. Ослоос нэг өдрийн дараа тус улсын Иргэний нисэхийн газрын хэвлэлийн төлөөлөгч Део Чандра Лал Кран “Одоогоор 14 хүний ​​цогцсыг гаргасан, эрэн хайх ажиллагаа үргэлжилж байгаа. Цаг агаар маш муу байсан ч бид ослын газар руу аврах багаа аваачиж чадсан "гэж AFP агентлагт ярьжээ. Онгоцонд Энэтхэгийн дөрвөн иргэн, Германы хоёр, Непалын 16 иргэн байжээ. Гэвч цаг агаарын таагүй байдал, уулархаг газар зэргээс шалтгаалж эрэн хайх ажиллагаанд саад учруулж, даваа гарагийн өглөө л дахин эхэлсэн байна. Непалын армийн төлөөлөгчийн Twitter дээр нийтэлсэн зургуудаас онгоцны үлдэгдлийг харуулсан бөгөөд 9N-AET гэж бүртгэгдсэн тэмдэг тод харагдаж байсан байна. "Эрэн хайх, аврах албаныхан онгоцны сүйрсэн газрыг илрүүллээ" гэж Нараян Силвал даваа гаригийн өглөө твиттер хуудсандаа хэлснээр бараг 24 цаг үргэлжилсэн онгоцны сэгийг хайх ажил дууссан байна. Канадын нисэх онгоцны Д Хавилланд фирмийн үйлдвэрлэсэн уг онгоц орон нутгийн цагаар ням гарагийн 09:10 цагийн орчимд жуулчны Покхара хотоос хөөрчээ.

ЭХ СУРВАЛЖ: BBC NEWS

ЭХ СУРВАЛЖ: BBC NEWS