Тэр бол Ойровын Ариунгэрэл юм. Өөрөөр хэлбэл, удам дамжсан урлагийн сор гэр бүлийг хүмүүжилтэй, хүн чанартай хүн байхыг нь чиглүүлэн, үлгэрлэж, зөвлөдөг хамгийн том "найруулагч" нь тэр гэсэн үг. Түүнтэй манай сайтын сэтгүүлч Б.Гүнжид ярилцсан билээ. Тус ярилцлагыг энд дарж  уншаарай. Бид энэхүү ярилцлагаас онцлох эшлэлийг уншигч танд хүргэж байна.

Өвгөн минь ажилдаа явахаасаа өмнө хүүхдүүдээ тэргэнд хоёр, гурваар нь суулгаж цэцэрлэгт нь хүргэж өгдөг ажилтай, сайн аав байлаа. Бид 10 сайхан хүүхэд төрүүлж, өсгөсөн.

Хүүхдүүд маань бүгд өөрийнхөө үзэл бодолд үнэнч байж, хүссэн мэргэжлээ сонгоцгоосон. Тиймээс хүүхдүүд минь ажилдаа дуртай, үнэнч, нэр алдартай болж, бидний нэрийг өндөрт өргөж явна.

Төрөөд 15 хоноод л ямар нэгэн аргаар заавал хичээлдээ суудаг байсан. 

Миний амьдрал багшийн замнал, хувь тавилангаар хүүхдүүдийн дунд өнгөрсөн. Энэ л миний хамгийн нандин үе юм уу даа. 

Би тэднийгээ харж, үзэж, сонсож баясахаас илүү өөрийг хийж чадахгүй шүү дээ. Тэдэнтэй ижилхэн жүжиглээд байхгүй ч гэлээ зүрх сэтгэлийг нь ойлгодог, алдаа дутагдлыг нь хуваалцдаг хүн юм уу даа. 

Урлагийн хүний сэтгэл, санаа дэлгэр сайхан байдаг учраас ажлаа хийж яваа хүүхдийнхээ хойноос санаа зовдоггүй. Тэдэндээ итгэдэг.

Хүүхдүүдийнхээ хийсэн ажлыг нь хараад суух нэгэн насны жаргал шүү дээ.

Хүүхдүүд маань төрсөн өдрөөрөө намайг баярлуулна гээд хүрээд ирэхээр нь баярладаг юм. Би хүүхдүүддээ төвөг болохыг боддоггүй, ганцаараа амьдрахыг илүүд үздэг.

Манай өвгөн “Залуу насанд хүүхэн харж явдаг байсан бол дунд насанд чавганц харж явдаг боллоо” гэж байсан юм. Тэр нь юу гэсэн үг вэ гэхээр нэг чавганц явж байвал "Энэ чавганц хүүхэд хараад өгөх боломжтой болов уу, үгүй болов уу" гэж хардаг байсан гэсэн үг шүү дээ. 

10 хүүхдээ мөр бүтэн, гэдэс цатгалан байлгахын зэрэгцээ тархийг нь өлгөхгүйн тулд бүх төрлийн хэвлэл авахын тулд хагас сарын цалингаараа, ном, сэтгүүл сонин захиалдаг, тэднийгээ заавал хүүхдүүддээ уншуулдаг байсан. 

Өвгөн бид хоёр хоорондоо “Чи бид хоёр хүүхдүүдээ өв хөрөнгө хурааж чадахгүй. Тархийг нь өлсгөхгүй өсгөвөл болох нь тэр" гэж ярьдаг байсан.

"Манайд тасдаад өгөх хөрөнгө байхгүй. Тийм учраас өөрсдөө ухамсартай байж, амьдралаа зөв авч яваарай" гэж хэлдэг байсан.