Ховд аймгийн Жаргалант суманд 15 настай хүүхэд бусдад зодуулж, нас барсан талаар бид өмнө нь мэдээлсэн. Тодруулбал, 15-16 насны гурван охин бүлэглэж, 15 настай охиныг толгойн тус газарт турбогоор цохиж, гэмтээсэн гэх. Талийгаач охин толгойдоо хүнд гэмтэл авч, эмнэлгийн байгууллагад хандсан ч шархаа даалгүй нас барсан гэсэн мэдээлэл бий.

          Охины ар гэрийнхэн мэдээлэл өгөхдөө “Талийгаачийг гурван охин зодож, гэмтээсэн. Эмнэлгийн байгууллагад хандсан ч шаардлагатай тусламж үйлчилгээг үзүүлээгүй, цаг алдсаны улмаас амиа алдсан. Талийгаач охин нагац эгчийндээ амьдардаг байсан. Өмнө нь толгой болон бие нь өвдөж байгаагүй. Охиныг минь зодсон болон эмчилгээ үзүүлээгүй эмнэлгийн байгууллагынханд гомдолтой байна” гэсэн юм.

Тэгвэл талийгаач охиныг үе тэнгийн гурван охин зодоогүй, гэмтээгээгүй гэх мэдээлэл зарим хэвлэл мэдээллийн хэрэгслээр цацагдаж эхэллээ. Тодруулбал, талийгаач охиныг хамт амьдардаг нагац эгч нь зодож, аминд нь хүрсэн байж болзошгүй нөхцөл байдал илэрчээ. Энэ хэргийн талаар ЦЕГ-ийн Хэвлэл мэдээллийн төвөөс 16:00 цагт мэдээлэл өгөхөөр болжээ.

Мөн талийгаачийн нагац эгчийн цагдан хорьсон гэх мэдээлэл байна.

Бид энэ талаар эргэн мэдээлэх болно.