Сонгинохайрхан дүүргийн Татварын хэлтсийн ажилтан Э гэх эмэгтэйг хууль хяналтын байгууллагаас шалгаж байсан. Тодруулбал, өнгөрсөн оны гуравдугаар сард АТГ-аас тус дүүргийн Татварын хэлтсийн байцаагч Э-ийн албан өрөө болон гэрт нь нэгжлэг хийж, сатуулсан байдаг. Түүнийг эрх мэдэл, албан тушаалаа урвуулан ашиглаж, бусдаас их хэмжээний авлига авсан байж болзошгүй нөхцөл байдал тогтоогдсон учир хууль хяналтын байгууллагаас шалгаж, мөрдөн шалгах ажиллагааг үргэлжлүүлж байсан юм.

         Энэ талаар эх сурвалж бидэнд мэдээлэхдээ “Татварын байцаагч Э-г БНХАУ-ын хөрөнгө оруулалттай “Шинжиан шинфа” ХХК-ийн удирдлагуудтай үгсэн тохиролцож, тус компанийн татварыг нуун далдахад туслалцаа үзүүлж, их хэмжээний авлига авсан гэх үндэслэлээр шалгаж байгаа юм байна лээ” гэсэн байдаг.

Тэгвэл хятадын хөрөнгө оруулалттай компаниас хахууль авсан гэх Сонгинохайрхан дүүргийн Татварын хэлтсийн байцаагч Э-гийн хэргийг АТГ-аас шалгаж дуусаад, шүүхэд шилжүүлэх саналтайгаар прокурорын байгууллагад хүргүүлжээ.