“Автомашинаа засварлаж байсан иргэн амиа алдлаа” гэх дуудлага цагдаагийн байгууллагад иржээ. Тодруулбал, Дундговь аймгийн Сайнцагаан сумын хоёрдугаар багт Ганц дов гэх газарт 56 настай эрэгтэй Ө нь автомшинаа засварлаж байхдаа дарагдаж, амиа алдсан байжээ. Шалгалтын явцад талийгаач “Frontier” маркийн автомашины доогуур орж засварлаж байхад нь домкрат нурж, нас барсан байжээ. Уг хэргийг Дундговь аймаг дахь цагдаагийн газар шалгаж байна.

Иймд иргэд та бүхнийг өөрийн амь нас, эрүүл мэндэн авран хамгаалахын тулд аюулгүй ажиллагааг баримталж, ажиллахыг цагдаагийн байгууллагаас анхааруулж байна.