Эх хүүхдийн үндэсний эрүүл мэндийн төвд үр зулбуулах эм ууж, биеийн байдал нь хүндэрсэн эмэгтэй хэвтэн эмчлүүлж байна. Тодруулбал, цагдаагийн байгууллагын шуурхай утсанд “Эм уусан эмэгтэй ЭХҮЭМТ-ийн сэхээний тасагт эмчлүүлж байна” гэх дуудлага аравдугаар сарын 30-ны 12:18 цагт иржээ. Дуудлагын дагуу цагдаагийн албан хаагчид шалгалтын ажиллагаа явуулахад 34 настай, Ц нь аравдугаар сарын 18-нд олон нийтийн сүлжээнээс ураг зулбуулах хоёр ширхэг цагаан эм худалдаж авсан байжээ. Тэрбээр худалдаж авсан эмээ аравдугаар сарын 19-нд ууж, 20-нд их хэмжээний цус алдсан байна. Харин арав хоногийн дараа буюу аравдугаар сарын 30-нд биеийн байдал эрс муудаж, түргэний тэргээр эмнэлэгт хүргэгдэн иржээ. Түүний биеийн байдал хүнд сэхээн амьдруулах тасагт эмчлүүлж байгаа аж.

Иймд баталгаагүй, хууль бус эм, тариаг олон нийтийн сүлжээнээс худалдан авч, өөрийн амь нас, эрүүл мэндээ алдахаас сэрэмжлүүлж байна.