"Босоо хөх монгол” ТББ-ын удирдах зөвлөлийн гишүүн асан П.Шижээравдан  өнгөрсөн 2020 оны нэгдүгээр сард “Нойтон мод бэлтгэж байсан хүмүүст жавтий хүртээв” гэсэн тайлбартай бичлэгийг өөрийнхөө цахим хуудаст байршуулсан байдаг. Үүний дараахан тус бичлэгт бичигдсэн 52 настай, эрэгтэй Г амиа егүүтгэсэн байж болзошгүй байдалтай олдсон билээ. Тодруулбал, талийгаач Г-ийн Сэлэнгэ аймгийн Мандал сумын нутаг дахь Билүүт ууланд түлээний мод бэлтгэж байхдаа бусдад зодуулж буй бичлэг цахим орчинд түгээсэн юм. Тэрээр үүнээс болж сэтгэл санааны хямралд орж, улмаар амиа егүүтгэсэн байж болзошгүй байгаа. П.Шинжээравдан, А.Дарьсүрэн нарыг шүүх хурал болж, шүүхээс тэднийг гэм буруутайд тооцож, ял оноосон байдаг. Тодруулбал, шүүхээс А.Дарьсүрэнд хоёр жилийн хорих ял, нэг сая төгрөгийн торгууль ногдуулсан юм. Харин П.Шинжээравданд 600 мянган төгрөгийн торох ял ногдуулсан билээ. 

Тэдэнд холбогдох хэргийн Давж заалдах шатны шүүх хурал болжээ. Шүүхээс Анхан шатны шүүхээс ногдуулсан ялыг хэвээр үлдээсэн байна.