Төв аймгийн Аргалант сумын Цагаан хөтөлд байрлах махны зооринд хүн амины ноцтой хэрэг гарсан талаар бид өмнө нь мэдээлсэн. Тодруулбал, нэгдүгээр сарын 3-нд тус сумын нутагт байрлах махны зоорины манаач эрэгтэй үйлдвэрийн менежерээ зэрлэгээр хөнөөж, хэргийн газраас зугтсан. Түүнийг цагдаа нар шуурхай илрүүлж, Сонгинохайрхан дүүргээс дайчлан баривчилжээ. Сэжигтэн этгээд нь 32 настай, өмнө нь ял шийтгэл эдэлж байсан нэгэн байжээ.

Энэ талаар эх сурвалжийн мэдээлснээр “Маш зэрлэгээр хөнөөсөн тухай хүмүүс ярьж байна. Зоорь нь ажиллахгүй, менежертэйгээ хоёулаа байсан юм билээ. Сэжигтэн этгээд өмнө нь малын хулгайн хэргээр ял шийтгэл эдэлж байсан гэсэн. Өнгөрсөн есдүгээр сард махны зооринд ажилд орсон гэсэн” гэлээ.