Нийслэлийн Хан-Уул дүүргийн 11 дүгээр хороонд согтууруулах ундаа хэтрүүлэн хэрэглэсэн үедээ хамтран амьдрагчаа 28 удаа хутгалж, амийг нь хөнөөсөн ноцтой хэрэг гарчээ.

Тодруулбал, өчигдрийн 23:44 цагт “Байрны гадаа хүн халдлагад өртсөн байна. Юу болсон нь мэдэгдэхгүй, хувцас нь урагдаж цус болсон эмэгтэй хүн байна” гэх дуудлага цагдаагийн байгууллагад ирсэн байна. Цагдаагийн байгууллага хэргийн газарт шалгалт хийж, урьдчилсан байдлаар Хан-Уул дүүргийн 11 дүгээр хорооны оршин суугч 35 настай эрэгтэй Ч согтууруулах ундаа хэтрүүлэн хэрэглэсэн үедээ хамтран амьдрагч 24 настай Б-г 28 удаа хутгалж, амийг нь хөнөөгөөд хэргийн газраас зугтаажээ.

          Цагдаагийн байгууллагаас шуурхай эрэн сурвалжлах ажиллагааг зохион байгуулж, сэжигтэн Ч-г олж, Хан-Уул дүүрэг дэх Цагдаагийн газрын нэгдүгээр хэлтэст саатуулан шалгаж байгаа юм. Бид хэргийн тадаар эргэн мэдээлэх болно.