Хан-Уул дүүргийн 15 дугаар хорооны нутаг дэвсгэр “Нархан” хотхоны хойд талын автобусны буудал дээр ачилтын компанийн жолоочийн биед халджээ. Тодруулбал, автомашин ачилтын ачигчийг хутгалж, зугтсан хэрэг гарсан байна.

Энэ талаар “Нархан” хотхоны харуулын өгсөн мэдээллээр “Өнөөдөр нэг жолооч машинаа ачуулахгүй хэмээн ачилтын компанийн жолоочтой маргалдаж, гуя хэсэг рүү нь шөвгөөр хатгасан нь үнэн. Автомашины  жолооч дэлгүүр ороод гараад ирэхэд нь ачсан юм билээ. Ачилтын компанийн жолооч машиных нь номерыг хэлж цагаан хоолойгоор дуудахыг энэ хавийнхан сонссон. Ачуулсан машины жолооч гарч ирээд, нэгийгээ шөвгөөр гэмтээгээд машинаа унаад зугтаачихсан. Гэмтсэн иргэнийг түргэний машин ирээд аваад явсан. Цагдаа ирж мэдүүлэг, байцаалт авч, хэргийн газарт шалгалт хийсэн” гэжээ.