Зэвсэгт хүчний 326 дугаар ангийн байлдагч Ц.Б салаан даргын үүрэг гүйцэтгэгчдээ зодуулж харамсалтайгаар амиа алдсан хэрэг өнгөрөгч гуравдугаар сард гарсан билээ. Байлдагч  Ц.Б нь  Хан-Уул дүүргийн XII  хорооны нутаг дэвсгэр Биокомбинатад байрлах 326 дугаар цэргийн ангидаа бусдад зодуулснаас ухаан алдаж, Төрийн тусгай албан хаагчдын нэгдсэн эмнэлгийн Эрчимт эмчилгээний тасагт ухаангүй хүргэгдэж ирсэн ч харамсалтайгаар амиа алдсан юм. Талийгаачийг тус ангийн салааны орлогч дарга Л.Гялбуужамц зодож, танхайрч тархинд нь хүнд гэмтрэл учруулсаны улмаас амиа алдсан гэдэг. Дэслэгч Д.Гялбуужамцыг Хан-Уул дүүргийн цагдаагийн хоёрдугаар хэлтсээс шалгаж байгаа.

Тэгвэл эл хэрэг ямар шатандаа яваа талаар талийаачийн ээжээс тодруулахад “Хүүгийн минь хэргийн шүүх хурал болоогүй байгаа. Хэргийн хохирогчоор хүүгийн аав оролцоод явж байна. Шүүх хурал хэзээ болох нь тодорхойгүй, мөрдөн байцаах шатандаа явж байгаа” гэсэн юм.